شیکاریی تاقیکاریی بۆ پێوەرەکانی RSRP و RSRQ لە سیناریۆکانی ناوەوەی قووڵی ناوچە چڕەکانی شاردا (Dense Urban Deep Indoor)

ئەم توێژینەوەیە بە شێوەیەکی تاقیکاری لێکۆڵینەوە لە کارامەییی تەکنەلۆجیای (LTE) لە ژینگەیەکی ناوەوەی قووڵی ناوچە چڕەکانی شاردا دەکات، بە جەختکردنەوە لەسەر هێزی سیگناڵی وەرگیراوی سەرچاوە (RSRP) و کوالیتیی سیگناڵی وەرگیراوی سەرچاوە (RSRQ). پێوانەکردنەکان لەسەر تۆڕێکی ڕاستەوخۆی LTE ئەنجام دراون کە لەسەر باندەکەی DCS1800 (EARFCN 1750) بە پانیی باند (Bandwidth)ی 20 MHz کاری دەکرد. وێستگە سەرەکییەکانی خزمەتگوزاری، Site-A و Site-B، کاریگەریی بەرچاویان لەسەر وەرگرتنی سیگناڵ لە ژێرزەمینەکەدا هەبوو. وێستگەی Site-A ئەنتێنەیەکی جۆری CNNPX303Fی بەکارهێناوە (قازانج/Gainی 11.7 dBi، پانیی تیشکی ئاسۆیی 68° و ستوونی 23°، هێڵی داگرتن/Downlinkی 46 dBm، هێڵی سەرکەوتن/Uplinkی 23 dBm، و بەرزیی 25 m). پێش پرۆسەی گونجاندن (Optimization)، گۆشەی ئاسۆیی (Azimuth)ی 350° و لێژیی ئەلیکترۆنیی دوور (RET)ی بەرزی (100°) بوونە هۆی لاوازبوونی RSRP بە بڕی (−115 dBm) و ناڕێکیی لە RSRQ بە بڕی (−14 dB). دوای سەرلەنوێ ڕێکخستنەوەی هێڵی ئاراستەی Site-A بۆ 30° و کەمکردنەوەی RETی وێستگەی Site-B بۆ 50°، پێوەری RSRP بە بڕی 6–10 dB بە درێژایی ڕێڕەوی 15 m باشتر بوو، لە کاتێکدا RSRQ بەهۆی تێکەڵاوبوونی سیگناڵەکانەوە (Interference) باشتربوونێکی سنوورداری نیشان دا. دەرئەنجامەکان دەریانخستووە کە گونجاندنی گۆشەی ئاسۆیی (Azimuth) و لێژی (Tilt) دەبێتە هۆی باشترکردنی RSRP، بەڵام بەبێ ستراتیژیی کاریگەری بەڕێوەبردنی تداخل، هێشتا بەس نییە بۆ جێگیرکردنی RSRQ.